အောက်ပါ အဖြစ်အပျက်များမှာ တရားခံ ဒေါ်မေဆောင်း အသက် ၂၇ နှစ် အဘ - ၏ ဖြောင့်ချက်များဖြစ်ပြီး စာဖတ်သူ မငြီးငွေ့စေရန် ဇာတ်လမ်းအဖြစ် ပြန်လည် ရေးသားတင်ပြလိုက်ရပေသည်။ * * * * ကျွန်မနာမည်က မေဆောင်းပါ။ ဒီဇင်ဘာလကြီးထဲမှာမွေးလို့ထင်ပါရဲ့ အမေက အဲ့ဒီလိုနာမည်ပေးခဲ့တာ။ ကျွန်မအဖေကိုတော့ မမှတ်မိခဲ့ဘူး။ ကျွန်မ တစ်နှစ်အရွယ်လောက်ကတည်းက ဆုံးသွားခဲ့တာလို့ အမေကပြောတယ်။ အဖေမရှိတဲ့ ကလေးတစ်ယောက်ပေမယ့် ဘယ်တုန်းကမှ မျက်နှာမငယ်ခဲ့ရပါဘူး။ အမေကလည်း ကျွန်မကို ဘယ်သူ့ကိုမှ အောက်မကျို့ဖို့၊ အရှုံးမပေးဖို့ အမြဲတမ်းသွန်သင်ခဲ့တယ်။ ပြီးတော့ ကိုယ်ကျင့်တရားကို အသက်နဲ့အမျှ အမြဲတမ်းထိန်းသိမ်းစောင့်ရှောက်ဖို့ ဆုံးမခဲ့တယ်။ အမေဟာ မုဆိုးမတစ်ယောက်ပေမယ့် ကျွန်မကို တက္ကသိုလ်ရောက်တဲ့အချိန်ထိ ကျောင်းထားပေးခဲ့တယ်။ အဖမဲ့ ကလေးတစ်ယောက်ဆိုတာ ကိုယ့်ဘဝကိုယ်သိလို့ သူများထက် အများကြီးပိုကြိုးစားခဲ့တယ်။ ကျွန်မ တက္ကသိုလ်ရောက်တော့ အသက်က ၁၈ နှစ်ရှိပြီ။ ပိုးတဲ့ပန်းတဲ့သူတွေကလည်း အများသား။ သူတို့ ချစ်ကြတာ ကျွန်မရဲ့ ဝါညက်တဲ့အသား၊ ရှိသင့်ရှိထိုက်တဲ့ ခန္ဓာကိုယ်အချိုးအစား၊ ရှည်လျားတဲ့ဆံနွယ်တွေနဲ့ ကြည်လင်တဲ့ မျက်နှာကိုပါ။ ကုန်ကုန်ပြောရရင် ဒီလို ...
Comments
Post a Comment